17 жасқа дейінгі спортшылар арасындағы күрес түрлерінен Азия чемпионатының кезекті жарыс күні аяқталды. Бұл күні грек-рим күресіндегі соңғы салмақ дәрежелерінің жүлделері сарапқа салынды.
Қазақстан құрамасы сапында ең жоғары нәтижеге Мирас Махамбет қол жеткізді. Ол 65 келіге дейінгі салмақ дәрежесінде финалда Өзбекстан спортшысын 3:2 есебімен жеңіп, Азия чемпионы атанды.
Сонымен қатар, жарыстың кешкі сессиясында тағы екі қазақстандық балуан қола медаль үшін белдесті. 71 келіге дейінгі салмақта Тимур Кусаинов қола жүлде үшін өткен белдесуде жеңіліп қалды. Ал 80 келіге дейінгі салмақта Әлинұр Төлеуғали де жүлдеге бір қадам жетпей тоқтады.
